In tempore sueborum

Do 15 de Decembro de 2017 ao 6 de Maio de 2018

Entrada de balde

Visitas Guiadas

Todos os días ás 18:30

Contactar para grupos

In tempore sueborum

Do 15 de Decembro de 2017 ao 6 de Maio de 2018

O tempo dos suevos na Gallaecia.
O primeiro reino medieval de Occidente (411-585 A.D)

Catálogo

Un complemento imprescindible
para o coñecemento da Gallaecia sueva.

Ver

Unha aventura na nosa terra, 1.600 anos atrás...

In tempore Sueborum trasládanos á nosa historia na Idade Tardo-Antiga, no ocaso do Imperio Romano, cando os suevos se instalan no Noroeste da Península Ibérica. Aqueles feitos dos séculos IV ao VI cambiarán o concepto de xentes bárbaras herdado dos romanos.

Recepción de novas pezas exposición Suevos

Un complemento documental imprescindible

A exposición compleméntase cun catálogo no que se ofrece información exhaustiva e científica de cada unha das pezas que a configuran. Un documento imprescindible para o estudo e coñecemento da Gallaecia sueva, que contén obras difíciles de ver reunidas como neste caso.

Catalogo

Música

A música compúxose ad hoc para cada espazo expositivo permitindo una experiencia inmersiva total na cultura sueva. A súa autora é a medievalista e compositora, Mónica Rodríguez Lovelle.

Musica

Noticias

A exposición In Tempore Sueborum superou hoxe os 20.000 visitantes

In Tempore Sueborum amplía o seu prazo ata o 6 de maio

As directoras xerais de Patrimonio Cultural de Galicia e Asturias salientan a calidade e rigor da exposición In Tempore Sueborum

Véronique Gallien desvelou os segredos da tumba da raíña Aregonda

Felipe Arias: "In Tempore Sueborum ten pezas extraordinarias que probablemente nunca volveremos ver por estes pagos"

A exposición In Tempore Sueborum superou hoxe os 20.000 visitantes

A Universidade do Porto, o Instituto de Estudios Bercianos, o Instituto de Estudos Miñoráns, o grupo Tú no eres de Ourense si e numerosos vecinos de Vigo, entre os colectivos que coñeron a mostra iste sábado

OURENSE, 24 de febreiro de 2018.- A exposición internacional In Tempore Sueborum superou hoxe os 20.000 visitantes. Con esta cifra convértese no proxecto cultural máis visitado da historia de Ourense. Se o pasado xoves o presidente da Deputación, Manuel Baltar, anunciaba a súa prolongación ao 6 de marzo dados os bos resultados en todas as ordes, destacando que entón superaba os 18.000 visitantes, en tan só dous días a cifra incrementouse dun modo importante.

Alumnos e docentes da Universidade do Porto coñeceron hoxe a exposición. FOTOS: Alberte Paz.


A xornada deste sábado 24 é, polo de agora, a máis concorrida en persoas que se achegan a coñecer o contido da mostra. Aos cidadáns que acoden por libre, que foron decenas, súmanse os grupos que hoxe asistiron ás visitas guiadas. Así, nesta xornada estiveron medio centenar de profesores e estudantes da Facultade de Humanidades da Universidade do Porto (Portugal). Tamén o fixeron máis de 40 integrantes do Instituto de Estudos Bercianos, chegados desde Ponferrada (León). Pola mañá igualmente asistiron numerosos membros do grupo de Facebook, Tú no eres de Ourense si… e un grupo de membros da asociación Reino de Galiza.

A cita estaba ás 11.00 horas. Todos foron recibidos diante do Centro Cultural Marcos Valcárcel polo asesor de Política Cultural da Deputación e coordinador xeral da mostra, Aurelio Gómez Villar. Da visita guiada, para facela con orde, encargáronse o responsable das mesmas, Jesús Manuel García e o comisario, Jorge López Quiroga. Cada un levou a máis de 60 visitantes para facer o percorrido completo da exposición máis importante de Europa sobre o tempo dos suevos.

O grupo “Tú no eres de Ourense si” tamén se sumou á visita guiada.

A tarde tamén estivo concorrida pois houbo unha visita especial para o director do Museo Arqueológico de Murcia, Antonio Poveda Navarro, e o arqueólogo da Facultade de Historia da Universidade de Vigo no Campus de Ourense, Fermín Pérez Losada. Guiounos o comisario López Quiroga. E na visita ordinaria das 18.30 horas, déronse cita numerosos cidadáns entre veciños de Ourense, doutras partes de Galicia ademais dun grupo importante de cidadáns de Vigo, e o autocar que veu cheo de integrantes do Instituto de Estudos Miñoráns.
O profesor Luís Amalar, medievalista da Universidade do Porto, sinalou que están satisfeitos coa organización da visita e da propia exposición “de alta cualidade atendendo que é unha exposición moi difícil porque tratar dos suevos é moi complicado e sobre todo traducir isto a unha linguaxe accesible, comprensiva e rigorosa”. Desde esta perspectiva, dixo o profesor portugués, toda a delegación universitaria foise impresionada. Sinalou que o que ocorre con estas exposicións antolóxicas é “a oportunidade que nos dá de facermos idea sobre oa estado da situación, o que nós podemos, de momento, dicir sobre os suevos. E a pesares de ser eu medievalista e polo tanto non ser esta a miña área, percibín que xa se sabe muito máis do que a xente pensa que sabe. Por iso a exposición, e aquelo que vai ficar despois dela, o catálogo e o libro de estudos, seguramente se transformará en bibliografía importantísima para esta época”.

Convén Almeida en sinalar que o reino suevo, “máis ou menos integrado, con maior acordo coas corporacións locais ou non, vai ensaiar aquí por primeira vez o modelo de organización que acabará despois por espallarse por Europa. É a primeira experiencia dun pobo vivo que se asenta e tenta organizar unha entidade política mínimamente estruturada”.

O Instituto de Estudios Bercianos dividiuse en dous grupos para repartírense cos dous guías nunha xornada tan especial.

Nesta xornada na que se bateu o récord de visitas nos dous meses que leva aberta a exposición, os responsables de todos os grupos participantes mostraron a súa satisfacción por este proxecto científico cultural, encomiando a calidade das pezas, moitas delas vistas por primeira vez en España. Tal cantidade de xente nun só día, pois sumando visitas guiadas e por libre aproxímase ás 500 persoas, supón tamén un beneficio económico para a cidade dado que os grupos que veñen de fóra almorzan, xantan ou cean en Ourense, ademais de pasar a xornada turística na cidade de As Burgas. Isto dá unha idea do que move In Tempore Sueborum cada semana, con tantos visitantes que non residen na provincia e que fan uso dos seus establecementos hostaleiros.

A delegación berciana aproveitou para disfrutar da Cidade antes do seu regreso a Ponferrada.

In Tempore Sueborum amplía o seu prazo ata o 6 de maio

Baltar xustifica a decisión nos resultados da mostra, que supera os 18.000 visitantes e acadou  unha audiencia de catro millóns de persoas nos medios de comunicación

OURENSE, 22 de febreiro de 2018. A exposición In Tempore Sueborum amplía as súas datas ata o 6 de mayo, segundo anunciou o presidente da Deputación de Ourense, Manuel Baltar, “dado o éxito que está logrando a mostra nos eidos cultural, científico e turístico”. En dous meses desde a súa apertura, máis de 18.000 persoas visitaron a mostra nos seus tres espazos expositivos: o Centro Cultural Marcos Valcárcel, a igrexa de Santa María Nai e o Museo Municipal de Ourense. Nestes primeiros 70 días foron máis de 3.500 persoas as que participaron nas visitas guiadas e ducias  de centros escolares galegos.

Baltar e López observan o caldeiro de Musov, no que se atoparon restos de policromía. FOTOS: Alberte Paz.

A exposición In Tempore Sueborum chega ao seu segundo mes cun incremento progresivo de todos os seus parámetros, de tal xeito que se constata que non se produciu ningunha caída en canto ao interese que esperta. No seu segundo mes multiplicou prácticamente por 4 as cifras de impacto do primeiro (15 de decembro de 2017-15 xaneiro 2018), cando a audiencia total alcanzara o millón de persoas a través das diferentes canles utilizadas para a súa difusión: medios tradicionais, webs, prensa especializada e redes sociais. Ata o 15 de febreiro chegou a máis de 4 millóns de persoas (4.061.000), o que supón case o dobre da poboación de Galicia. O número de noticias publicadas sobre a exposición incrementouse nun 562%, pasando de 57 no primeiro mes a 3.220.

O maior impacto produciuse a través dos diarios de información xeral, sobre todo os galegos pero cun repunte dos nacionais, especialmente debido á presentación da exposición en Fitur. Grazas a estes medios, e sumando webs de información e as revistas especializadas, o alcance sitúase agora en 3.550.000 persoas. Durante o primeiro mes estaba en 800.000.

O catálogo esgotou a primeira edición e nuns días estará preparada a segunda.

O incremento do impacto a través da redes sociais tamén foi significativo: a exposición sobre o tempo dos suevos chegou a 511.000 dispositivos, entre os que se inclúen móbiles, tabletas e ordenadores, fronte aos 200.000 do primeiro mes.

En canto aos territorios que amosaron un maior interese, en primeiro lugar atópase Galicia, e en particular as provincias de Ourense e A Coruña (igual que durante o primeiro mes), seguidas de Pontevedra e Lugo, por esta orde. Fóra de Galicia, destaca o seguemento que a exposición ha ter desde Madrid, Cataluña e Castilla e León, por esta orde. Alén das fronteiras de España, Gran Bretaña segue sendo o lugar onde ten un maior impacto.

En canto á presenza de In Tempore Sueborum na prensa, as noticias relacionadas coa exposición experimentaron un aumento notable, notándose a súa presenza en medios nacionais e moito maior crecemento en medios especializados e ata en páxinas persoais.

Baltar anunciou que a mostra acadou catro millóns de persoas na audiencia dos medios de comunicación.

Das 573 noticias analizadas inicialmente, pasouse a recoller 3.220 impactos en prensa, prensa dixital, blogs e agregadores de noticias. Iso é un aumento do 562% con respecto aos datos iniciais. Combinando os datos acumulados de audiencia das diferentes aparicións en medios, estímase que as informacións relacionadas coa exposición alcanzaron unha audiencia total duns 3.550.000 persoas, o que se podería comparar á audiencia de El Hormiguero. Sumando a audiencia de redes sociais (511.000 impresións), obteríamos unha audiencia total de 4.061.000.

Eventos como a presenza da exposición en FITUR han ter o seu reflexo nos medios de comunicación, pese á abundancia de eventos da feira, especialmente nos medios do grupo Mediaset (Telecinco e Catro) e nos do grupo Vocento. A maior parte da cobertura é positiva, especialmente cando se trata de contornas especializadas.

Os seguidores aumentaron de 232 a 330 desde a última análise. A audiencia da conta son sobre todo: homes de 35 a 44 anos, localizados en Galicia e interesados en política, eventos de actualidade e cultura. A taxa de interacción aumentou ligeramente, como tamén o promedio de tuits por día.

En Facebook as estatísticas amosan que os contidos tamén han ir collendo tracción. Os datos xeográficos e de distribución non experimentan cambios. Aínda que a audiencia nas redes creceu, fíxoo mantendo as mesmas proporcións que na última medición.

O comisario Jorge López manifestou o impacto científico da mostra sinalando que “Ourense entra en el circuito de las grandes exposiciones internacionales”. Na visita que o mércores fixo á mostra a directora xeral de Patrimonio Cultural do Principado de Asturias, Otilia Requejo, esta informouse das características da exposición para tela como referente de outra que están deseñando na súa terra. Segundo López Quiroga, o impacto científico desta exposición é “impresionante” dado que especialistas de toda Europa coinciden en que nunca se fixera algo en Galicia sobre o reino suevo. “El catálogo es un referente en la prensa y en el mundo especializado e historiográfico”, sinalou o comisario.

Insistiu Jorge López en que o impacto científico de In Tempore Sueborum foi “enorme”. A exposición está presente en revistas especializadas ao que hai que sumar o volume de estudos con sesenta traballos científicos obra de outros tantos investigadores entre os que están boa parte dos investigadores españois neste eido, “especialistas gallegos y del Norte de Portugal que tienen algo que decir”, apuntou Jorge López.

Entre as numerosas visitas celebradas nesta mostra destaca a da asociación Urbs Regia Orígenes de Europa, con base en Toledo, formada por expertos de varios países. Tamén está prevista a visita de responsables da rede de museos arqueolóxicos do Mediterráneo.
Por outra banda, non poucas pezas das 262 que forman a exposición van ser obxecto de nova investigacións. Esto débese a que ao recepcionarlas os arqueólogos fixeron un informe de valoración de cada unha, de modo que en varias atoparon sinais nas que ata o de agora non se reparara. Os museos afectados diron o seu permiso para investigar esas pezas. Isto demostra a viveza do proxecto e a cantidade de aspectos que o rodean e aos que aporta luz, coñecemento.

As directoras xerais de Patrimonio Cultural de Galicia e Asturias salientan a calidade e rigor da exposición In Tempore Sueborum

Carmen Martínez e Otilia Requejo alaban o discurso histórico e a variedade de materiais nunha exhibición única en Europa

OURENSE, 21 de febreiro de 2018.- As directoras xerais de Patrimonio Cultural da Xunta de Galicia e do Principado de Asturias, Carmen Martínez e Otilia Requejo respectivamente, visitaron este mércores a exposición internacional In Tempore Sueborum, organizada pola Deputación de Ourense. Foron recibidas, xunto coa delegada da Xunta en Ourense, Marisol Díaz, polo asesor de Política Cultural da Deputación e coordenador xeral da exposición, Aurelio Gómez Villar, ao que acompañaban o comisario, Jorge López e o responsable de comunicación e das visitas guiadas, Jesús Manuel García.

Jorge López explicou o contido das vitrinas ás dúas directoras xerais de Patrimonio. FOTOS: Alberte Paz.

A visita, que durou boa parte da mañá, foilles realizada por Jorge López, quen lles explicou os pormenores da arqueoloxía funeraria aplicada nesta exposición, cuxos froitos vense en cada vitrina, con materiais que nos falan dun pobo que vén por toda Europa emigrando ata establecerse no Noroeste da Península Ibérica a partires do ano 409. As dúas directoras, que viñeron con membros dos seus departamentos técnicos, percorreron toda a exposición, vendo os tres ámbitos nos que se extende, é decir, estiveron no Centro Cultural Marcos Valcárcel, en Santa María Nai e no Museo Municipal.
“Lo primero que quiero decir es enhorabuena porque me ha parecido una exposición excelente, no solo por la variedad de los materiales, la cantidad y calidad sino por lo bien hilado que está el discurso histórico a través del soporte material y documental”, manifestou Otilia Requejo. Sinalou que se fixo fincapé sobre o territorio, “sobre mentalidad y la cultura que vertebró en aquellos siglos todo lo que es el territorio europeo hasta llegar a la Gallaecia, lo cual permite poner en valor y conocer el significado del Reino Suevo. Y es precisamente ese discurso, apoyado en esa materialidad y en esa documentación, además magníficamente explicada por los guías, lo que permite poner en valor el Reino Suevo y entenderlo en su contexto europeo”.

Otilia Requejo e Carmen Martínez, á esquerda, viñeron acompañadas polos seus colaboradores técnicos e pola delegada da Xunta en Ourense, Marisol Díaz.

A directora xeral de Patrimonio Cultural da Xunta, Carmen Martínez, suscribe as verbas da súa colega asturiana: “Considero que é una iniciativa extraordinaria, que o discurso expositivo está tremendamente traballado e pudemos comprobar a través das explicacións a evolución do Reino Suevo no noso territorio”. Para Martínez, trátase dunha exposición “moi completa, moi didáctica, moi ben montada”. A directora xeral de Patrimonio da Xunta salientou que as pezas expostas “son realmente magníficas, en concreto o anel de Alarico II que veu de Viena. Pensó que é marabilloso que toda Galicia poda disfrutar desta exposición”.

Marisol Díaz, que xa estivera na exposición o día da súa inauguración, amosouse sorprendida: “Despois de facer o percorrido hoxe a palabra é sorprendente, impresionante, sobre todo pola historia, por esa traxectoria que te leva tan relacionada con oso, esas pezas únicas que temos oportunidade de contemplare e por en valor esa oportunidade que temos todos como un motivo máis para que se acheguen a Ourense”.

Véronique Gallien desvelou os segredos da tumba da raíña Aregonda

A antropóloga francesa explicou no Foro La Región e en In Tempore Sueborum a autopsia desta monarca merovinxia

OURENSE, 19 de febreiro de 2018.- A antropóloga Véronique Gallien, do Instituto Nacional de Arqueoloxía Preventiva de Francia (INRAP) presentou en In Tempore Sueborum, dentro do Foro La Región, os resultados dun programa de investigación que se vén desenvolvendo desde 2003 nas sepulturas de época merovinxia da basílica parisina de Saint-Denis e concretamente a tumba real de Aregonda, unha raíña merovinxia. A partir dos obxectos e os restos orgánicos achados nesta necrópole, falou dos diferentes tipos de depósitos funerarios, da vestimenta e do historial clínico desta raíña. Así pódese valorar a achega destes diversos enfoques ao coñecemento histórico.

A antropóloga contou a autopsia da raíña Aregonda, merovinxia. FOTOS: Alberte Paz

A basílica de Saint-Denis está situada a 10 km. ao norte de París. O edificio está dedicado ao primeiro bispo da capital francesa e converterase ao longo do tempo na necrópolis dos reis francos e dos reis de Francia.

Aregonda é a primeira persoa de rango rexio  coñecida que se enterrou no edificio do século VI . Dagoberto é o primeiro rei que instala a súa tumba no século VII. A dinastía carolinxia está presente con Carlos Martel (741), alcalde do pazo; Pipino o Breve (768), rei dos Francos; Carlos o Calvo (877) emperador de Occidente. Despois, a basílica convértese no panteón real dos Capetos (Hugo Capeto, san Luís), os Valois (Francisco I), os borbóns ata o último rei enterrado alí que foi Luís XVIII. En total, 43 reis e 32 raíñas enterráronse no edificio. Nese edificio vense algúns dos exemplos de monumentos funerarios rexios  conservados na basílica.

A cita interesou a público chegado de diversas zonas do país.

O sarcófago número 49 correspóndese co da raíña Aregonda, que foi identificada grazas a un anel de ouro coa inscripción ARNEGUNDIS, gravada na parte superior. Non se trata dun anel nominativo que designe á raíña Aregonda co monograma REGINAE. O nome foi posto en relación co da raíña Aregonda mencionada por Gregorio de Tours nun pasaje dos seus Dez libros das Historias.

Cando os arqueólogos abriron o sepulcro desta raíña a finais dos anos cincuenta do pasado século, acharon os seus pulmóns, sedas e xoias como fíbulas de ouro, un cinto de ouro e prata, dous pasadores de ouro na súa cabeza e alfileres decorados con motivos zoomorfos. Este personaxe, segundo Gallien, podería pertencer á aristocracia xermánica. Grazas ao emprego do ADN antigo, esta raíña era europea e probablemente fose coxa. Segundo esta experta, o achado dos pulmóns axuda coñecer técnicas de embalsamamiento dese cadáver. E o seu enxoval tamén serve para coñecer mellor estés conxuntos medievais. Pero, ademais, di Veronique Gallien que a raíña Aregonda foi amortaxada cun abrigo de seda, cor púrpura, un veo do mesmo tecido, en ton amarelo e vermello, á moda oriental, e calzaba uns zapatos de pel de cabra.

O uso do ADN antigo é unha técnica que pode revolucionar o coñecemento de sociedades do pasado, como tamén nesta serie de conferencias expuxo con brillantez o biólogo Carles Lalueza.

Felipe Arias: "In Tempore Sueborum ten pezas extraordinarias que probablemente nunca volveremos ver por estes pagos"

O coñecido arqueólogo visitou a mostra acompañando a socios do Centro Cultural Valle-Inclán de Lugo

OURENSE, 18 de febreiro de 2018.- O arqueólogo lugués Felipe Arias manifestou que a exposición In Tempore Sueborum “en principio é moi positiva só polo feito de dar a coñecer o Reino suevo, que é unha etapa descoñecida polos propios galegos cando se trata do primeiro reino altomedieval de Occidente”. Engadiu Arias que este proxecto “é unha boa idea”. Sobre o percorrido polos tres espazos subliñou que a primeira sala “contextualiza ben a chegada dos suevos e ten unhas pezas extraordinarias, isto hai que decilo, que ten  pezas extraordinarias que probablemente nunca volveremos ver por estes pagos. Creo por tanto que contextualiza perfectamente o que é a entrada dos suevos e a conformación deste reino na Gallaecia”.

Felipe Arias veu á cidade de As Burgas acompañando a un nutrido grupo de socios do Centro Cultural Valle-Inclán de Lugo, que estiveron visitando a exposición desde as once da mañana, en que chegaron ao Centro Cultural Marcos Valcárcel. O arqueólogo subliñou igualmente o interese dos outros dous espazos, a igrexa de Santa María Nai e o Museo Municipal: “Vemos o asentamento e a vinculación co cristianismo xunto coa implantación desta relixión”. Felipe Arias fixo fincapé en que esta mostra organizada pola Deputación de Ourense  “para min ten unha valoración positiva, probablemente algúns detalles serían mellorables pero en principio o discurso histórico me parece bastante atinado en canto ao asentamento e a asimilación e aculturación que se produce entre os suevos e a sociedade galaico romana”. Por elo este arqueólogo anima á sociedade a “que a visiten porque sacarán algunha lección e, en todo caso, dará pé para debatir algúns puntos que aínda son debate historiográfico”.

Felipe Arias é licenciado en Filosofía y Letras (sección Xeografía e Historia pola Universidade de Santiago de Compostela, 1971, sendo Premio Extraordinario de Licenciatura cunha tese sobre a Muralla romana de Lugo. Foi profesor de Historia e Arqueoloxía e investigador na universidad compostelana (1971-1974) e participou e dirixiu proxectos relacionados coa Prehistoria e a Romanización, centrando a súa investigación no Castro de Viladonga e no Lugo romano. Fundador do Museo do Pobo Galego, ocupou a xefatura da sección de Arqueoloxía e Prehistoria do Instituto Padre Sarmiento de Estudios Gallegos (CSIC); tamén promoveu o Consello Galego de Museos. Funcionario do Corpo Facultativo de Conservadores de Museos desde 1974, dirixe o Museo de Castro de Viladonga. Arias Vilas foi Director Xeral de Patrimonio Cultural na Xunta e membro das comisións técnicas do Consejo Internacional de Museos ata 2009.

Subscríbete á nosa newsletter

E mantente ao día coas últimas novidades